Запыты і паслугі

ЗАПЫТЫ І ПАСЛУГІ 

Паважаныя наведвальнікі сайта! 

Дзяржаўная ўстанова «Нацыянальны архіў Рэспублікі Беларусь» у адпаведнасці нарматыўнымі праўнымі актамі Рэспублікі Беларусь у сферы архіўнай справы і справаводства аказвае паслугі па інфармацыйным забеспячэнні карыстальнікаў у адпаведнасці з іх запытамі па выпатрабаванні інфармацыі, якая адклалася ў архіўных дакументах ды змешчана на сталым захоўванні.

Замоўцамі працаў і паслугаў могуць выступаць дзяржаўныя ворганы, юрыдычныя асобы незалежна ад формаў уласнасці, таксама фізічныя асобы, у тым ліку замежныя грамадзяне. Запыты  паступаюць у пісьмовай форме (у тым ліку па электроннай пошце) і асабістае на прыёме ў архіве.

Дзяржаўная ўстанова «Нацыянальны архіў Рэспублікі Беларусь» выконвае тэматычныя, біяграфічныя (разнастайнасць тэматычных запытаў) і запыты сацыяльна-праўнага характару.

Тэматычны запыт – запыт аб прадастаўленні архіўнай інфармацыі па пэўнай праблеме, тэме, падзеі ці факту (аб утварэнні і дзейнасці прадпрыемстваў, пра пераназванне населеных пунктаў, аб станаўленні і развіцці галінаў народнай гаспадаркі, аб гісторыі партызанскага руху на тэрыторыі Беларусі ў гады Вялікай Айчыннай вайны і інш.).

Біяграфічны запыт – запыт аб прадастаўленні архіўнай інфармацыі па канкрэтнай асобе, аб удакладненні фактаў яго біяграфіі (аб удзеле ў партызанскім руху ў гады Вялікай Айчыннай вайны, аб узнагароджаннях, аб пражыванні да пачатку і ў гады Вялікай Айчыннай вайны на акупаванай тэрыторыі Беларусі, аб палітычных рэпрэсіях і рэабілітацыі,  аб пацверджанні нацыянальнасці па матэрыялах перапісу насельніцтва 1926 г. і інш.).

Сацыяльна-прававы запыт – запыт аб прадастаўленні архіўнай інфармацыі, звязанай з забеспячэннем законных правоў грамадзянаў. Зазвычай, гэтыя запыты складаюць сферу пенсійнага забеспячэння грамадзянаў, атрыманне імі льготаў, кампенсацый (аб пацверджанні стажу працы, навучання, пра абранне на выбарныя пасады, аб узнагароджаннях і інш.). Запыты, якія паступілі непасрэдна ад грамадзянаў, разглядаюцца як адміністрацыйныя працэдуры. Падрабязней «Адміністрацыйныя працэдуры».

Па выніках разгляду запытаў архіў падае архіўную даведку, архіўную копію, архіўны выпіс або інфармацыйны ліст.

Архіўная даведка – дакумент, што змяшчае (пацвярджае) наяўную ў дакументах архіва інфармацыю па прадмеце запыту з пазначэннем пошукавых дадзеных дакументаў, на падставе якіх ён складзены.

Архіўная копія – запэўнены архівам дакумент, што ўзнаўляе даслоўна тэкст ці выяву архіўнага дакумента, з пазначэннем яго пошукавых дадзеных.

Архіўны выпіс – запэўнены архівам дакумент, што змяшчае даслоўнае ўзнаўленне часткі тэксту архіўнага дакумента ды адносіцца да пэўнага факта, падзеі, асобы, з пазначэннем пошукавых дадзеных архіўнага дакумента.

Інфармацыйны ліст – ліст, які складаецца пры адсутнасці ў архіве дакументаў, патрэбных для выканання запыту сацыяльна-праўнага характару, і інфармацыі пра іх месцазнаходжанне, таксама ў выпадку перасылання запыту для разгляду ў профільную арганізацыю.

Пры звароце ў архіў у запыце ў абавязковым парадку мусяць быць пазначаны :

• характар запатрабаванай інфармацыі ;
• мэта атрымання інфармацыі ;
• аўтарства запыту .

Тэрмін выканання тэматычных (біяграфічных) запытаў – 1 месяц і болей (у залежансці ад складанасці запыту і аб'ёму прагледжаных дакументаў).

Тэрмін выканання запытаў сацыяльна-праўнага характару, што адносяцца па заканадаўстве да адміністрацыйных працэдураў, – 15 дзён, пры патрэбе дадатковага вывучэння і праверкі – 1 месяц.

Тэматычныя, біяграфічныя запыты выконваюцца на платнай аснове. Падрабязней «Платныя паслугі»

Аплату за паслугі архіва можна выканаць:

1. У любым аддзяленні банка на пазабюджэтны разліковы рахунак архіва:

2. У любым аддзяленні РУП «Белпошта»;

3. Праз сістэму «Разлік» (АРІП)».

Для аплаты трэба ўвайсці ў сістэму «Разлік» (АРІП) ---> «Суды, юстыцыя, юрыдычныя паслугі» ---> «Архівы» ---> «г. Мінск» ---> «Нацыянальны архіў РБ» ---> «ПАСЛУГІ АРХІВА» код паслугі 392901.

Пры асабістым звароце ў архіў за атрыманнем архіўнай даведкі, копіі, выпіскі, інфармацыйнага ліста пры сабе трэба мець наступныя дакументы: пасведчанне асобы (пашпарт), працоўную кніжку ці яе копію, пасведчанне да ўзнагарод (для пацверджання стажу, заработнай платы, узнагароджання), даверанасць (у выпадку прадстаўлення інтарэсаў іншай зацікаўленай асобы).

Звяртаем Вашу ўвагу: актавых запісаў пра народзіны, смерць, рэгістрацыю шлюбу ў Нацыянальным архіве няма. Рэкамендуем звяртацца па месцы рэгістрацыі актавых запісаў (у абласныя, раённыя, гарадскія аддзелы ЗАГС ці абласныя, гарадскія архівы ЗАГС); для аднаўлення актавых запісаў да 1917 г. рэкамендуем звяртацца ў Нацыянальны гістарычны архіў Рэспублікі Беларусь ці Нацыянальны гістарычны архіў Беларусі ў г. Горадня.

Прыём наведвальнікаў у архіве па выкананні тэматычных (біяграфічных), сацыяльна-праўных запытаў, што адносяцца да заканадаўства аб адміністрацыйных працэдурах:

Тэлефоны для кансультацый (панядзелак - чацвер з 8.30 да 17.30; пятніца з 8.30 да 16.15; перапынак на абед - 12.30-13.15):

Тэл. 8 (017) 353-49-37 Сектар па працы з дакументамі перыяду Вялікай Айчыннай вайны (аб удзеле ў партызанскім і падпольным руху, аб знаходжанні ў месцах прымусовага ўтрымання, пражыванні на акупаванай тэрыторыі ў гады Вялікай Айчыннай вайны);

Тэл. 8 (017) 325-49-87 Сектар па аказанні інфармацыйных паслуг карыстальнікам і папулярызацыі дакументаў (аб пацвярджэнні працоўнага стажу; заработнай плаце; аб навучанні; узнагароджанні (для афармлення пенсіі), аб перапісе насельніцтва і інш.).